Wednesday, April 21, 2021

370th Parinirvana of Zhabdrung Ngawang Namgyel Rinpoche


It was in 1651, on the 10th day of the 3rd Lunar month coinciding with Guru Rinpoche’s day, Zhabdrung Ngawang Namgyel entered into Parinirvana at the age of 57 inside the Pungthang Dewachenpoi Phodrang. On this occasion we Bhutanese must remember all his deeds and efforts to make our kingdom a sovereign independent country between the two giant nations.  

Let us honour Zhabdrung Rinpoche’s great service as a statesman, unifier, and Dharma Promulgator by offering butter lamps and prayers tomorrow.

I have typed Zhabdrung Nagawang Namgyel’s Guru Yoga written by late His Holiness the 69th Je Khenpo Geshey Gendün Rinchen (དགེ་འདུན་རིན་ཆེན 1926–1997). I request all the page viewers to recite once.

Thank You and Tashi Delek.

དཔལ་འབྲུག་པ་རིན་པོ་ཆེ་ངག་དབང་རྣམ་པར་རྒྱལ་བའི་རྒྱུན་གྱི་རྣལ་འབྱོར་ལ་འཇུག་པའི་རིམ་པ་བཞུགས་སོ། །

༈ །དཔལ་ལྡན་འབྲུག་པ་ངག་དབང་རྣམ་པར་རྒྱལ་བའི་ཞབས་ཀྱི་པདྨོར་གུས་པས་ཕྱག་འཚལ་ལོ།།དེ་ལ་འདིར་ཁམས་གསུམ་ཆོས་ཀྱི་རྒྱལ་པོ་དཔལ་འབྲུག་པ་རིན་པོ་ཆེ་སྒྲུབ་པའི་ཐབས་ལ། སྦྱོར་དངོས་རྗེས་གསུམ་ལས། 

དང་པོ་ནི། 

མ་ནམ་མཁའ་དང་མཉམ་པའི་སེམས་ཅན་ཐམས་ཅད་བླ་མ་སངས་རྒྱས་ཆོས་ཀྱི་སྐུ་ལ་སྐྱབས་སུ་མཆིའོ། །བླ་མ་ལོངས་སྤྱོད་རྫོགས་པའི་སྐུ་ལ་སྐྱབས་མཆིའོ། །བླ་མ་ཐུགས་རྗེ་སྤྲུལ་པའི་སྐུ་ལ་སྐྱབས་མཆིའོ། །བླ་མ་སངས་རྒྱས་རིན་པོ་ཆེ་ལ་སྐྱབས་སུ་མཆིའོ། །ཅེས་པ་ལན་གསུམ། །འཇིག་རྟེན་འདྲེན་པའི་གཙོ་བོ་ཚེ་དཔག་མེད། །དུས་མིན་འཆི་བ་མ་ལུས་འཇོམས་པའི་དཔལ། །མགོན་མེད་སྡུག་བསྔལ་གྱུར་པ་རྣམས་ཀྱི་སྐྱབས། །སངས་རྒྱས་ཚེ་དཔག་མེད་ལ་གསོལ་བ་འདེབས། རྒྱ་གར་པཎ་ཆེན་བོད་ལ་བཀྲིན་ཆེ། །པདྨ་འབྱུང་གནས་སྐུ་ལ་འདས་འཁྲུངས་མེད། །ད་ལྟ་ལྷོ་ནུབ་སྲིན་པོའི་ཁ་གནོན་མཛད།།ཨུ་རྒྱན་རིན་པོ་ཆེ་ལ་གསོལ་བ་འདེབས། །འཇིག་རྟེན་དབང་ཕྱུག་ཐུགས་རྗེའི་རླབས་ཕྲེང་དབུས།།རྒྱལ་ཀུན་མཁྱེན་བརྩེའི་འདབ་སྟོང་རྒྱས་པ་ལ། །ཕན་བདེའི་དྲི་བསུང་ཅི་ཡང་སྤྲོ་བའི་གཉེན། ངག་དབང་རྣམ་རྒྱལ་ཞབས་ལ་གསོལ་བ་འདེབས། །བླ་མ་སྐུ་ཁམས་བཟང་བར་གསོལ་བ་འདེབས། །མཆོག་ཏུ་སྐུ་ཚེ་རིང་བར་གསོལ་བ་འདེབས། །ཕྲིན་ལས་དར་ཞིང་རྒྱས་པར་གསོལ་བ་འདེབས། །བླ་མ་དང་འབྲལ་བ་མེད་པར་བྱིན་གྱིས་རློབས།

སྐྱབས་སུ་འགྲོ་བ་ནི། 

ན་མོ། དཀོན་མཆོག་རྩ་གསུམ་ཀུན་འདུས་ཀྱི། །བླ་མ་ངག་དབང་རྣམ་རྒྱལ་ལ། །བདག་སོགས་མཁའ་མཉམ་འགྲོ་བ་རྣམས། །བྱང་ཆུབ་བར་དུ་སྐྱབས་སུ་མཆི། །(ཞེས་པ་ལན་གསུམ།)

སེམས་བསྐྱེད་ནི། 

མ་གྱུར་མཁའ་མཉམ་སེམས་ཅན་རྣམས། །བྱང་ཆུབ་ཆེན་པོར་འགོད་པའི་ཕྱིར། །ཚེ་དང་ཡེ་ཤེས་མཆོག་འདོད་ནས། །ཟབ་མོའི་ལམ་ལ་འཇུག་པར་བགྱིས། །(ཞེས་པ་ལན་གསུམ།)

གཉིས་པ་དངོས་གཞི་བདག་བསྐྱེད་ནི།

ཨོཾ་སྭ་བྷཱ་ཝ་ཤུདྡྷསརྦ་དྷརྨསྭ་བྷཱ་ཝ་ཤུདྡྷོཉ་ཧཾ། 

རང་ཉིད་ཀྱི་ཕུང་པོ་ཁམས་དང་སྐྱེ་མཆེད་རྣམས་མི་དམིགས་ཏེ་སྟོང་པ་ཉིད་དུ་གྱུར། སྟོང་པའི་ངང་ལས་སྐད་ཅིག་དྲན་རྫོགས་སུ། །རང་ཉིད་དབང་ཆེན་རྟ་མཆོག་རོལ་པའི་སྐུ། །ཁྲོ་གཏུམ་ཞལ་གཅིག་ཕྱག་གཉིས་སྐུ་མདོག་དམར། །ཞལ་གདངས་མཆེ་གཙིགས་ལྗགས་འདྲིལ་སྤྱན་གསུམ་པ། སྨ་ར་སྨིན་མ་འབར་ཞིང་རལ་པའི་གསེབ། །རྟ་མགོ་ལྗང་ཞུས་རྟ་སྐད་དྲག་ཏུ་འཚེར། །ཕྱག་གཡས་རྡོ་རྗེའི་དབྱུག་ཏོ་ནམ་མཁར་འཕྱར། གཡོན་པ་ཐུགས་ཀར་སྡིགས་ མཛུབ་མེ་འོད་འཕྲོ། །དཔལ་གྱི་ཆས་རྣམས་རྫོགས་པའི་བརྗིད་སྐུ་ལས། །ཡེ་ཤེས་བསྐལ་པའི་མེ་དཔུང་རབ་ཏུའབར། །ཞབས་གཉིས་གཡས་བསྐུམས་གཡོན་བརྐྱངས་དོར་སྟབས་ཀྱིས། །བདུད་བཞི་བརྫིས་ཏེ་པད་ཉིའི་གདན་ལ་བཞུགས། །སྤྱི་བོར་སྟོབས་ཆེན་གྱད་དང་སེངྒེ་ཡིས། །བཏེག་པའི་ཁྲི་གཉན་སཱ་རའི་པགས་པས་བརྒྱན། །པདྨ་ཉི་ཟླ་བརྩེགས་པའི་གདན་གྱི་ཁར། །རྩ་བའི་བླ་མ་རྡོ་རྗེ་འཆང་དབང་དངོས། །དཔལ་ལྡན་འབྲུག་པ་ངག་དབང་རྣམ་པར་རྒྱལ། །ཚུལ་ཁྲིམས་ཕུང་པོ་ཡོངས་སུ་རྫོགས་པའི་སྐུ། །དཀར་ལ་དམར་བའི་མདངས་ཀྱིས་ལེགས་འཁྱུད་པའི། །ཞལ་གྱི་དཀྱིལ་འཁོར་ཁྲོ་འཛུམ་ཉམས་ཅན་ལ། །ཡེ་ཤེས་སྤྱན་འབྲས་སྒྲིབ་མེད་འབུར་ཚུགས་གཟིགས། །སྐུ་ཤ་རྒྱས་ཤིང་ཞལ་རྒྱུན་ཐུགས་ཀར་འཁྱིལ། །དབུ་ལ་སྒོམ་ཞྭ་གསེར་གཡུའི་ཕྲ་ཅན་གསོལ།སྐུ་ལ་ཆོས་གོས་གསུམ་གྱིས་མཛེས་པར་ཀླུབས། །ཟ་འོག་བེར་ཆེན་ཟླུམ་པོར་འཁྱིལ་བའི་ཀློང་། །ཤེས་རབ་སྟོང་ཉིད་མཚོན་པའི་སྒོམ་ཐག་བཞེས། །ཞབས་གཉིས་རྡོ་རྗེའི་སྐྱིལ་མོ་ཀྲུང་དུ་བཞུགས། །ཕྱག་གཉིས་མཉམ་བཞག་སྟེང་ན་ཚེ་བུམ་འཛིན། །ཁམས་གསུམ་ཟིལ་གྱིས་གནོན་པའི་བདག་ཉིད་ཅན། །སྤྱི་བོར་འཇའ་འོད་གུར་ཁང་འཁྲིགས་པའི་ཀློང༌། །རིགས་བདག་མགོན་པོ་ཚེ་དཔག་མེད་པ་བཞུགས། ། ཐུགས་ ཀར་ཙིཏྟ་འོད་ལྔའི་གུར་ཁྱིམ་དུ། །ཡེ་ཤེས་སེམས་དཔའ་ཨོ་རྒྱན་བླ་མ་ཉིད། །མཚོན་གང་པཎྜི་ཏ་ཡི་ཆ་བྱད་ཅན། །ཕྱག་མཚན་ཡོངས་རྫོགས་རོལ་པའི་སྟབས་ཀྱིས་བཞུགས། །དེ་ཡི་ཐུགས་ཀར་འོད་ཀློང་ཟླ་སྟེང་དུ། །ཏིང་འཛིནསེམས་དཔའ་ཧཱི དམར་མཚན་པའི་མཐར་

མཚན་སྔགས་ཡིག་འབྲུས་གཡས་སུ་འཁོར་བ་ལས། །འོད་འཕྲོས་དོན་གཉིས་བྱས་བསྡུས་ཧྲིལ་ཐིམ། །སྣང་གྲགས་དྲན་ནོ་ཅོག་གི་ཆོས་ཐམས་ཅད། །བླ་མའི་རྡོ་རྗེ་གསུམ་གྱི་རོལ་པ་ལ། །ཁྱབ་གདལ་མོས་གུས་ཆེན་པོའི་ངང་ནས་བཟླ། །འཕྲེང་བ་བྱིན་རླབསབྱ། ཨོཾ་ཨཱཿ  གུ་རུ་ཝ་གིནྡྲ་བི་ཛ་ཡ་པདྨ་ཀཱ་ར་ཨ་པ་རི་མི་ཏ་ཨ་ ཡུཛྙཱ་ན་སིདྡྷི་ཧཱུཾ། (ཞེས་ཅི་ནུས་བཟླ།) 

མཐར་སྟོང་བསྒྱུར་བརྗོད། 

འཆི་མེད་དཔལ་སྟེར་དཔག་མེད་མགོན་པོ་དང་། གངས་ཅན་གྲུབ་པའི་དབང་ཕྱུག་པདྨ་འབྱུང་།བཀའ་དྲིན་མཉམ་མེད་ངག་དབང་རྣམ་རྒྱལ་ལ། །ཕྱག་འཚལ་བདེ་ཆེན་དངོས་གྲུབ་བསྩལ་དུ་གསོལ། །ཕྱི་ནང་གསང་བའི་མཆོད་སྤྲིན་རྒྱ་མཚོ་འབུལ། །སྒོ་གསུམ་སྡིག་ལྟུང་མ་ལུས་སོ་སོར་བཤགས། །མགོན་ཁྱོད་རྣམ་དཀར་མཛད་ལ་རྗེས་ཡི་རང་། །རྡོ་རྗེ་ཐེག་པའི་ཆོས་འཁོར་བསྐོར་ཕྱིར་དུ། །ནམ་མཁའ་ཇི་སྲིད་བརྟན་པར་བཞུགས་གསོལ་འདེབས། །བདག་དང་སྲིད་ཞིའི་ལེགས་ཚོགས་མ་ལུས་པར། །བདེ་ཆེན་ཟུང་འཇུག་འཐོབ་པའི་རྒྱུ་རུ་བསྔོ། །བདེ་ཆེན་འཆི་མེད་དཔལ་སྟེར་ཚེ་མཐའ་ཡས། །བདེ་ཆེན་འཇའ་ལུས་སྐུ་བརྙེས་པདྨ་འབྱུང༌། །བདེ་ཆེན་གྲུབ་དབང་ངག་དབང་རྣམ་པར་རྒྱལ།ཤུགས་དྲག་གུས་པས་གསོལ་འདེབས་བསླུ་བ་མེད། །གསོལ་བ་འདེབས་སོ་འགལ་རྐྱེན་བར་ཆད་སོལ། །བྱིན་གྱིས་རློབས་ཤིག་འཆི་མེད་དངོས་གྲུབ་སྩོལ། །ཚེ་འདི་བློ་ཡིས་ཐོང་བར་བྱིན་གྱིས་རློབས། །འཇའ་ལུས་འོད་སྐུར་འགྲུབ་པར་བྱིན་གྱིས་རློབས། །འབྲེལ་ཚད་དོན་དང་ལྡན་པར་བྱིན་གྱིས་རློབས། །ས་སྐྱོང་མི་དབང་སྐུ་ཚེ་བརྟན་པ་དང༌། །ཆབ་སྲིད་མངའ་ཐང་རྒྱས་པར་བྱིན་གྱིས་རློབས། །

ཞེས་འདོན།

འཇིག་རྟེན་དབང་ཕྱུག་ཐུགས་རྗེའི་རླབས་ཕྲེང་དབུས། །རྒྱལ་ཀུན་མཁྱེན་བརྩེའི་འདབ་སྟོང་རྒྱས་པ་ལ། །ཕན་བདེའི་དྲི་བསུང་ཅི་ཡང་སྤྲོ་བའི་གཉེན། །ངག་དབང་རྣམ་རྒྱལ་ཞབས་ལ་གསོལ་བ་འདེབས། །མཁྱེན་པས་མ་རིག་མུན་པའི་ཚོགས་འཇོམས་ཤིང་། །བརྩེ་བས་གཞན་དོན་ཡལ་བར་མི་འདོར་བར། ནུས་པས་བདུད་དཔུང་འཇོམས་བྱེད་ལྷ་ཡི་ལྷ། ངག་དབང་རྣམ་རྒྱལ་ཞབས་ལ་གསོལ་བ་འདེབས། །ཁམས་གསུམ་སེམས་ཅན་འཁོར་བ་ལས་སྒྲོལ་ཕྱིར། །འཆི་མེད་རྡོ་རྗེའི་སྐུ་མཆོག་རབ་བརྙེས་ནས། །ཕྲིན་ལས་རྣམ་བཞིས་འགྲོ་བའི་དོན་མཛད་པའི། །ཇི་སྲིད་འཚོ་ཞིང་གཞེས་པར་གྱུར་ཅིག་གུ། །

(ཞེས་བླ་མའི་གསོལ་འདེབས་གྲངས་གང་མང་འདོན་པར་བྱའོ། །)

དེ་ནས་བསྡུ་རིམ་ནི། 

དཔལ་ལྡན་ངག་དབང་རྣམ་རྒྱལ་རིན་པོ་ཆེ། །མཆོག་གི་དངོས་གྲུབ་ཐོབ་པར་བྱིན་གྱིས་རློབས། །ལུས་ངག་ཡིད་ཀྱི་སྡིག་སྒྲིབ་ཀུན་བྱང་སྟེ། །གསང་བ་གསུམ་གྱིས་བྱིན་གྱིས་བརླབ་ཏུ་གསོལ།ཞེས་གསོལ་བ་བཏབ་པས། རིགས་བདག་ཚེ་དཔག་མེད་བླ་མའི་སྤྱི་གཙུག་ནས་ཞུགས།ཐུགས་ཀའི་སློབ་དཔོན་པདྨ་འབྱུང་གནས་ལ་ཐིམ། བླ་མ་ཡང་རང་ཉིད་དཔའ་བོ་རྟ་མགྲིན་དུ་གསལ་བའི་སྤྱི་གཙུག་ནས་ཞུགས། སྙིང་གའི་མི་ཤིགས་ཐིག་ལེ་དགུ་སྦྱར་གྱི་དབུས་སུ་རང་སེམས་ཤིན་ཏུ་ཕྲ་བའི་རླུང་སེམས་ལ་ཐིམ་པས་ཐུགས་ཡིད་གཅིག་ཏུ་འདྲེས། སྙིང་དབུས་འདབ་བརྒྱད་ཀྱི་ལྟེ་བར་རང་སེམས་བླ་མའི་སྐུར་ལམ་གྱིས་བཞེངས། བདེ་ཆེན་མཆོག་དང་འཆི་མེད་ཚེའི་དངོས་གྲུབ་དམ་པ་ཐོབ་པར་གྱུར། 


(རྗེས་ཀྱི་བྱ་བ་བསྔོ་སྨོན་ཤིས་བརྗོད་ཀྱི་རིམ་པ་ནི།)


དགེ་བ་འདི་ཡིས་མྱུར་དུ་བདག །དཔལ་ལྡན་བླ་མ་གྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཁྱོད་ལ་མཆོད་བསྟོད་གསོལ་བ་བཏབ་པའི་མཐུས།བདག་སོགས་གང་དུ་གནས་པའི་ས་ཕྱོགས་སུ། །ནད་གདོན་དབུལ་ཕོངས་འཐབ་རྩོད་ཞི་བ་དང་། །ཆོས་དང་བཀྲ་ཤིས་འཕེལ་བར་མཛད་དུ་གསོལ། །དཔལ་ལྡན་བླ་མའི་རྣམ་པར་ཐར་པ་ལ། །སྐད་ཅིག་ཙམ་ཡང་ལོག་ལྟ་མི་སྐྱེ་ཞིང༌། ཅི་མཛད་ལེགས་པར་མཐོང་བའི་མོས་གུས་ཀྱིས། །བླ་མའི་བྱིན་རླབས་སེམས་ལ་འཇུག་པར་ཤོག །སྐྱེ་བ་ཀུན་ཏུ་ཡང་དག་བླ་མ་དང༌། འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་། །ས་དང་ལམ་གྱི་ཡོན་ཏན་རབ་རྫོགས་ནས། །རྡོ་རྗེ་འཆང་གི་གོ་འཕང་མྱུར་ཐོབ་ཤོག །ཕྱོགས་དུས་རྒྱལ་བ་སྲས་བཅས་ཐམས་ཅད་དང༌། །དྲིན་ཅན་རྩ་བརྒྱུད་བླ་མ་ཡབ་སྲས་ཀྱིས། །བསྟན་འགྲོའི་དོན་དུ་སྨོན་ལམ་གང་བཏབ་པ། །དེ་དག་ཐམས་ཅད་བདག་གིས་འགྲུབ་པར་ཤོག །བརྒྱུད་པའི་བླ་མ་རྣམས་ཀྱི་བཀྲ་ཤིས་ཤོག །ཡི་དམ་ལྷ་ཚོགས་རྣམས་ཀྱི་བཀྲིས་ཤོག །དཔའ་བོ་མཁའ་འགྲོ་རྣམས་ཀྱི་བཀྲིས་ཤོག །ཆོས་སྐྱོང་སྲུང་མ་རྣམས་ཀྱི་བཀྲ་ཤིས་ཤོག །མི་འགྱུར་ལྷུན་པོ་སྐུ་ཡི་བཀྲིས་ཤོག །ཡན་ལག་དྲུག་ཅུ་གསུང་གི་བཀྲིས་ཤོག །མཐའ་བྲལ་འཁྲུལ་མེད་ཐུགས་ཀྱི་བཀྲིས་ཤོག །རྒྱལ་བའི་སྐུ་གསུང་ཐུགས་ཀྱི་བཀྲིས་ཤོག །གནས་འདིར་ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང༌། །ཉིན་མཚན་རྟག་ཏུ་བདེ་ལེགས་པའི། །དཀོན་མཆོག་གསུམ་གྱི་བཀྲིས་ཤོག །སྟོན་པ་འཇིག་རྟེན་ཁམས་སུ་འབྱོན་པ་དང་། །བསྟན་པ་ཉི་འོད་བཞིན་དུ་གསལ་བ་དང་། །བསྟན་འཛིན་དཔོན་སློབ་ཤིན་ཏུ་མཐུན་པ་ཡིས། །བསྟན་པ་ཡུན་རིང་གནས་པའི་བཀྲ་ཤིས་ཤོག།།

(ཅེས་རང་ཅག་ལྷོ་ལྗོངས་པ་རྣམས་ཀྱི་འདྲེན་མཆོག་མཚུངས་ཟླ་མ་མཆིས་པ་དཔལ་ལྡན་འབྲུག་པ་ངག་དབང་རྣམ་པར་རྒྱལ་བའི་སྡེའི་ཞབས་ཀྱི་རྒྱུན་གྱི་རྣལ་འབྱོར་ལ་འཇུག་པའི་རིམ་པ་འདི་བཞིན་རྗེ་མཁན་ཁྲི་རབས་དྲུག་ཅུ་རེ་དགུ་པ་སྐྱབས་རྗེ་དགེ་འདུན་རིན་ཆེན་མཆོག་གིས་མཛད་པ་སྟེ། དེ་ཡང་ད་ལམ་སྤུངས་ཐང་བདེ་བ་ཆེན་པོའི་མ་ཆེན་གཟིམས་དཔོན་མཆོག་གི་དགོངས་བཞེད་དང་མཐུན་པར་ལྷག་བསམ་རྣམ་དག་ཐོག་ཆོས་སྦྱིན་དུ་སྤེལ་བ་ལས་བདག་སོགས་ཚེ་རབས་ཐམས་ཅད་དུ་དཔལ་ལྡན་བླ་མ་དམ་པས་རྗེས་སུ་འཛིན་པའི་རྒྱུར་གྱུར་ཅིག །དགེའོ།།)

Phub Dorji Wang


The Buddha Chitta malas

The Bodhichitta tree is considered sacred by Buddhists, bodhi meaning “awakened” and chitta, “heart-mind” in Sanskrit; Bodhichitta therefore...